Latest From our Blog
केराको बोक्रा पनि औषधि तर कुन रोगमा प्रयोग गर्ने जानिराखौ!
‘नपाउनेले केरा पायो बोक्रैसित खायो’ भन्ने उखानै छ । यसको मतलब हुनेखानेले केराको गुदी मात्र खान्छ र बोक्रो खाने मान्छे कहिल्यै केरा खानै नपाउने खालको दरिद्र मान्छे हो भन्ने अर्थ लाग्छ ।
तर केराको बोक्रा दरिद्र मान्छेले खाने वा त्यस्तै मान्छेलाई मात्र काम लाग्ने चिज होइन । केराको गुदी मात्र नभै बोक्रा समेत निकै उपयोगी हुने तथ्य वैज्ञानिकहरुले पत्ता लगाइसकेका छन् ।
केरा विभिन्न लवण तथा भिटामिन लगायतका पोषक तत्वले भरिपूर्ण सर्वकालीक लाभदायी र सुलभ फल हो भन्ने सबैलाई थाहा छ । तर केरा मात्र होइन केराको बोक्रा समेत निकै उपयोगी हुन्छ । केराको बोक्राको फाइदा यस्ता छन् –
- केराको बोक्राको भित्री भागलाई हल्का रुपमा अनुहारमा दल्नुहोस् । नियमित रुपमा यसो गर्नाले अनुहारको डण्डीफोर कम हुन्छ ।
- केराको बोक्रालाई पिँधेर लेदो बनाएर अनुहारमा दल्नाले अनुहारमा चमक आउँछ भने बोक्रालाई दाँतमा रगड्नाले दाँत चम्किलो हुन्छ ।
- कुरै किराले चिल्यो भने त्यस ठाउँमा केराको बोक्रा पिँधेर लगाउनाले दुखाइ कम हुन्छ ।
- छालामा डावर आएको बेला केराको बोक्राको लेदो लगाउनाले डावर निको हुन सहयोग हुन्छ ।
- लेदर ब्याग, बेल्ट तथा छालाका खेलौनाहरुमा केराको बोक्रा रगडेर सफा गर्नाले चमक आउँछ ।
- अण्डाको पहेँलो भागमा केराको बोक्राको लेदो मिलाएर अनुहारमा लगाउनाले अनुहारको चाउरीपना कम हुन्छ ।
